ငယ်ချစ်
ဖူးငုံသစ်လွင် ၊ ကျောင်းလေးတွင်
ရောက်ရင် ငယ်သွားတယ်။
ကျောင်းမြေလမ်းလေး ၊ ခြေရာဖွေး
ပြန်တွေး မျက်ရည်လည်။
ခုံတန်းလျားကျန် ၊ သူ့ရယ်သံ
ပြန်ကြား ပြုံးလို့ရယ်။
မူနွဲ့နွဲ့ပြုံး ၊ အလှဆုံး
သက်လုံး အောက်မေ့တယ်။
ဝေးကြဖို့ကံ ၊ အကြောင်းခံ
ပေါင်းရန် မတင့်တယ်။
မေတ္တာသန့်စင် ၊ ချစ်ရေစင်
သွင်သွင် အေးမြဖွယ်။
တပ်မက်မှုကင်း ၊ ဒီချစ်ခြင်း
ရင်တွင်း သိမ်းထားတယ်။
ရေးရင်းသတိရ ၊ မျက်ရည်စ
စီးကျ ပါးထက်ဝယ်။
ရင်အံဝှက်ထဲ ၊ သိမ်းထားဆဲ
အမြဲ ချစ်ပါတယ်။ ။
” သစ်ရိပ်ညို ”
တွေ့ခွင်ရယ်မကြုံ ဆုံခွင့်လည်းမရ
ဘဝတွေ ဘယ်လိုဝေးစေဦးတော့
သူရှိနေသည့် ဒီအသိလေးနှင့်သာ
အစဉ်ကျေနပ်ကာ အရင်ကလည်း
နေတတ်ခဲ့ ဖူးပြီပေမို့
နောင်လည်း နေတတ်နေဦးမှာပါလေ။
Comments
Post a Comment